అందరూ వ్యతిరేకించినా,
పొరపాట్లు జరిగాయని నిన్ను దూషించినా,
నీవు తీసుకున్న నిర్ణయం సరైనదని నీకు నమ్మకం ఉంటే,
ఎప్పటికీ వెనక్కు తగ్గవద్దు.
ఎంతమంది “కాదు” అన్నా,
నీపై నీకు నమ్మకం ఉండటమే గొప్ప.
అయితే, వారు ఎందుకు అనుమానిస్తున్నారో కూడా ఆలోచించు.
వారి పట్ల సహనంతో వ్యవహరించడం అలవాటు చేసుకో.
వారి స్థాయికి దిగజారి అబద్ధాలతో అహంకారాన్ని పెంచుకోవద్దు.
అలాగే, నువ్వే అందరికంటే గొప్పవాడివని,
నువ్వే అత్యంత తెలివైనవాడివని
ఎప్పుడూ భ్రమపడవద్దు.
కలలు కంటున్నావా? — ఎంతో ఆనందం.
కానీ కలల్లోనే జీవించవద్దు.
కలలు నీ జీవితాన్ని కమ్మేయనివ్వకు.
ఆలోచించే శక్తి ఉందా? — ఇంకా గొప్ప విషయం.
కానీ ఆలోచనలను ఆచరణగా మార్చినప్పుడే వాటికి విలువ.
గెలుపు, ఓటమి రెండూ జీవితంలో భాగమే.
రెండింటినీ సమానంగా స్వీకరించడం నేర్చుకో.
ఎందుకంటే జీవితం అనేది జయాపజయాల సమ్మేళనం.
నీవు చెప్పిన మాటలను వక్రీకరించినా,
నీవు చేసిన పనులను తప్పుగా అర్థం చేసుకున్నా,
కృంగిపోవద్దు.
నిన్ను నీవు మళ్లీ కూడగట్టుకుని,
సర్వశక్తులను కూడదీసి,
నీ కార్యాలతోనే నిన్ను నీవు నిరూపించుకో.
జీవితంలో రిస్క్ తీసుకోవడానికి ఎన్నడూ వెనకాడవద్దు.
రిస్క్ తీసుకున్నప్పుడు అన్నీ కోల్పోయే అవకాశమూ ఉంటుంది.
అయినా అధైర్యపడవద్దు.
మళ్లీ మొదటి నుంచి ప్రారంభించి
మళ్లీ సాధించగల మనోధైర్యాన్ని పెంచుకో.
నీవు అలసిపోయి,
శక్తి అంతా క్షీణించి,
“ఇక ఒక్క అడుగు కూడా వేయలేను”
అని నీ శరీరం చెప్పినా,
నీ మేధస్సును, ఆత్మవిశ్వాసాన్ని కూడగట్టుకుని
దానికి “ఇంకా కాదు” అని చెప్పు.
పట్టుదలను రగిలించుకుని ముందుకు సాగు.
పెద్ద సమూహాల ముందు మాట్లాడాల్సిన సందర్భాలు వస్తాయి.
కానీ వారి ప్రభావం
నీ విలువలపై, నీ నమ్మకాలపై, నీ నిజాయితీపై
ఏనాడూ పడనివ్వకు.
బలవంతులతో,
అధికారంలో ఉన్నవారితో,
పదవులు, హోదాలు కలిగిన వారితో కలిసి నడవవచ్చు.
కానీ సామాన్యుడిని,
అతని అవసరాలను, అతని బాధలను
ఎప్పటికీ మరచిపోకు.
నీవెవరో,
నీ నమ్మకాలేమిటో,
నీవు దేనికోసం నిలబడతావో
నీకు స్పష్టంగా తెలిసి ఉండాలి.
అప్పుడు స్నేహితులైనా, శత్రువులైనా
ఎవ్వరూ నిన్ను లోపల నుంచి కదిలించలేరు.
ప్రజలు నీపై ఆధారపడవచ్చు.
కానీ వారు సంపూర్ణంగా నీ మీదే ఆధారపడే పరిస్థితి రానివ్వకు.
వారిని కూడా స్వయం సమర్థులుగా తీర్చిదిద్దు.
ప్రతి నిమిషాన్ని సంపూర్ణంగా జీవించు.
ప్రతి అనుభవాన్ని హృదయపూర్వకంగా ఆస్వాదించు.
ఈ విధంగా జీవించగలిగితే—
ఈ ప్రపంచమే నీది.